Respublika ərazisində hava şəraitinin kəskin soyuması səbəbindən İmişli, Quba, Qusar, Lerik və Astara rayonları ərazisində bəzi kəndlərin qaz təchizatında fasilə yaranıb.
YeniAvropa xəbər verir ki, bu barədə "Azəriqaz" İstehsalat Birliyindən məlumat verilib.
Qəza-bərpa xidmətinin əməkdaşları qeyd olunan rayonlara ezam ediliblər.
“Abonentlərin soyuq havada fasiləsiz qazla təmin olunmaları üçün Birlik bütün imkanlarını səfərbər edib. Kəskin hava şəraiti işin intensiv aparılmasına mane olur, amma buna baxmayaraq, qazı kəsilən 5000 abonentin probleminin həlli istiqamətində ciddi addımlar atılır”, - məlumatda bildirilib.
2639
2639
