Sabah Bakıda 20° isti olacaq

Azərbaycanda oktyabrın 24-nə gözlənilən hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Xidmətindən YeniAvropa-ya verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gün ərzində cənub-qərb küləyi əsəcək, axşam mülayim şimal-qərb küləyi ilə əvəzlənəcək. Havanın temperaturu gecə 13-15° isti, gündüz 17-20° isti, Bakıda gecə 13-15° isti, gündüz 17-20° isti olacaq. Atmosfer təzyiqi norma daxilində 761 millimetr civə sütunu, nisbi rütubət 65-75 faiz təşkil edəcək.

Azərbaycanın rayonlarında da hava əsasən yağmursuz keçəcək.

Naxçıvan şəhəri, Culfa, Ordubad, Sədərək, Şahbuz və Şərur rayonlarının bəzi yerlərində duman olacaq. Mülayim qərb küləyi əsəcək. Gecə 7-12° isti, gündüz 18-23° isti olacağı gözlənilir.

Xankəndi, Şuşa, Xocalı, Xocavənd, Ağdam, həmçinin Daşkəsən-Gədəbəy rayonlarında gündüz saatlarında bəzi yerlərdə qısamüddətli yağış yağacağı ehtimalı var. Bəzi yerlərdə duman olacaq. Qərb küləyi arabir güclənəcək. Havanın temperaturu gecə 1-6° isti, gündüz 6-10° isti olacaq.

Şərqi Zəngəzur: Cəbrayıl, Kəlbəcər, Qubadlı, Laçın, Zəngilan rayonlarında gündüz saatlarında bəzi yerlərdə qısamüddətli yağış yağacağı ehtimalı var. Bəzi yerlərdə duman olacaq. Mülayim qərb küləyi əsəcək. Gecə 1-6° isti, gündüz 6-10° isti olacağı proqnozlaşdırılır.

Qazax, Gəncə, Goranboy, Tərtər, Füzuli rayonlarının bəzi yerlərində duman olacaq. Qərb küləyi arabir güclənəcək. Havanın temperaturu gecə 7-11° isti, gündüz 15-20° isti olacaq.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarının bəzi dağlıq ərazilərində arabir yağıntı olacaq. Bəzi yerlərdə duman olacaq. Qərb küləyi arabir güclənəcək. Gecə 4-9° isti, gündüz 15-19° isti, dağlarda gecə 0-4° isti, gündüz 5-8° isti olacağı gözlənilir.

Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarının bəzi yerlərində duman olacaq. Qərb küləyi arabir güclənəcək. Havanın temperaturu gecə 8-12° isti, gündüz 15-20° isti təşkil edəcək.

Masallı, Yardımlı, Lerik, Lənkəran, Astara rayonlarında gecə və axşam saatlarında bəzi yerlərdə qısamüddətli yağış yağacağı ehtimalı var. Dağlarda duman olacaq. Şimal-şərq küləyi əsəcək. Gecə 11-13° isti, gündüz 15-18° isti, dağlarda gecə 4-6° isti, gündüz 6-8° isti proqnozlaşdırılır.