“Azərsun”da 100-dək işçi ixtisar edilib

13:32 16-01-2019 | 3150

Bir sıra KİV-lər Azərbaycanın ən böyük özəl şirkətlərindən olan "Azərsun Holdinq" MMC-də ciddi ixtisarların baş verdiyini bildiriblər. Qeyd olunur ki, şirkətin tabeçiliyində olan bir sıra layihələrin icrasına xitam verilib. Nəticədə, şirkətdə çalışan 100-ə yaxın işçi vəzifəsindən azad edilib.

Məsələ ilə bağlı sorğuya cavablandıran "Azərsun Holdinq"in ictimaiyyətlə əlaqələr və biznesin inkişafına dəstək departamentinin müdiri Afiq Səfərov şirkətdə bir sıra layihələrin icrasının dayandırıldığını və işçilərin ixtisar olunduğunu təsdiqləyib:""Azərsun Holdinq”ə məxsus istehsal müəssisələrində müasir avadanlıqların tətbiq edilməsindən və proseslərin avtomatlaşdırılmasından sonra bəzi vəzifələrdə çalışan insanların ixtisar edilməsi zərurəti yaranıb və həmin əməkdaşlar şirkətimizdən ayrılıblar. İşdən azad olunan işçilərin sayı isə 100-dən aşağıdır”.

Kadr dəyişikliyinə gəlincə A.Səfərov bu işin də icrası ölkə qanunvericiliyinin tələblərinə uyğun şəkildə həyata keçirildiyini bildirib.