Azərbaycan Respublikası Səhiyyə Nazirliyi Nazirlər Kabinetinin 2014-cü il 30 may tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”nin 2.21-ci bəndinə uyğun olaraq nazirliyin yanında İctimai Şuraya seçkiləri təşkil edir.
İctimai Şuraya seçkilər Səhiyyə Nazirliyinin inzibati binasında yanvarın 28-də keçiriləcək.
YeniAvropa xəbər verir ki, bu barədə nazirliyin mətbuat xidmətindən bildirilib.
Səsvermədə iştirak etmək istəyən vətəndaş cəmiyyəti institutlarının nümayəndələri yanvarın 18-dək zəruri məlumatları (adı, soyadı, atasının adı, təvəllüdü, yaşayış yeri, əlaqə vasitəsi) göstərməklə, seçki komissiyasına müraciət etməlidirlər.
2709
2709
