Ölkə ərazisində yanvarın 9-na gözlənilən hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən YeniAvropa-ya verilən məlumata görə, Bakının və Abşeron yarımadasının bəzi yerlərində arabir yağış yağacağı, gündüz yağışın qısamüddətli fasilələrlə olacağı gözlənilir. Arabir güclənən cənub-qərb küləyinin əsəcəyi, axşam güclü şimal-qərb küləyi ilə əvəzlənəcəyi, gecəyə doğru arabir şiddətlənəcəyi ehtimal edilir. Havanın temperaturu Abşeron yarımadasında gecə 5-7°, gündüz 9-12° isti, Bakıda gecə 5-7°, gündüz 9-11° isti olacaq. Atmosfer təzyiqi 754 millimetr civə sütunundan 764 millimetr civə sütununa yüksələcək. Nisbi rütubət 80-90 faiz təşkil edəcək.
Azərbaycanın rayonlarının bəzi yerlərində arabir yağış, dağlıq ərazilərdə qar yağacağı proqnozlaşdırılır. Qərb küləyi əsəcək, gündüz ayrı-ayrı yerlərdə arabir güclənəcək. Havanın temperaturunun gecə 2° şaxtadan 3°-dək isti, gündüz 7-12° isti, dağlarda gecə 0-5°, yüksək dağlıq ərazilərdə 7-11° şaxta, gündüz 3-8° isti olacağı bildirilir.
Sinoptiklərin tibbi-meteoroloji xəbərdarlığına görə, yanvarın 9-da Abşeron yarımadasında atmosfer təzyiqinin enməsi fonunda arabir güclənən gilavar küləyinin əsəcəyi, yanvarın 9-u axşamdan 10-u gündüzədək güclü xəzri küləyi ilə əvəzlənəcəyi gözlənilir. Meteoroloji amillərin qısa müddətə belə təzadlı dəyişkənliyi əksər əhali üçün əlverişsizdir.
2842
2842
