Ağcabədi Rayon Polis Şöbəsinin əməkdaşları külli miqdarda narkotik vasitəni qanunsuz dövriyyədən çıxarıblar.
Daxili İşlər Nazirliyinin mətbuat xidmətindən YeniAvropa-ya bildiriblər ki, Ağcabədi şəhər sakini, əvvəllər məhkum olunmuş Asəf Qafarov narkotiklərin qanunsuz dövriyyəsində şübhəli bilindiyi üçün polis əməkdaşlarının keçirdikləri əməliyyat tədbirləri nəticəsində saxlanılıb. Onun üzərində narkotik vasitə olan heroin aşkarlanıb. Davam etdirilən əməliyyat-axtarış tədbirləri ilə A.Qafarovun yaşadığı evdən 5 kiloqram 150 qram marixuana aşkar edilərək götürülüb.
Faktla bağlı cinayət işi başlanılıb, istintaq aparılır.
2541
2541
