Sabah Bakıda arabir yağış yağacaq, 18° isti olacaq

Ölkə ərazisində oktyabrın 27-sinə gözlənilən hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən YeniAvropa-ya verilən məlumata görə, Bakıda və Abşeron yarımadasında arabir yağış yağacağı gözlənilir. Yağıntının yarımadanın bəzi yerlərində intensiv olacağı ehtimalı var. Gündüz əsasən yağmursuz keçəcək. Arabir güclənən şimal-qərb küləyi gündüz mülayimləşəcək.

Havanın temperaturunun gecə 10-12° gündüz 15-18° isti olacağı gözlənilir.

Naxçıvan Muxtar Respublikasının bəzi yerlərində arabir yağış yağacağı, ayrı-ayrı yerlərdə intensivləşəcəyi, dağlıq ərazilərdə qar yağacağı ehtimalı var. Gündüz saatlarında hava əsasən yağmursuz olacaq. Qərb küləyi gündüz şərq küləyi ilə əvəz olunacaq.

Havanın temperaturu gecə 5-10°, gündüz 15-20° isti təşkil edəcək.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında havanın arabir yağıntılı olacağı, bəzi yerlərdə qar yağacağı gözlənilir. Yağıntının ayrı-ayrı yerlərdə intensivləşəcəyi ehtimalı var. Gündüz əsasən yağmursuz, dumanlı hava şəraitinin gözlənilir. Arabir güclənən qərb küləyi gündüz şərq küləyi ilə əvəz olunacaq.

Havanın temperaturunun gecə 0-4°, gündüz 6-11° isti olacağı ehtimal edilir.

Qazax, Gəncə, Goranboy, Tərtər, Ağdam, Füzuli, Cəbrayıl rayonlarının bəzi yerlərində arabir yağış yağacağı proqnozlaşdırılır. Dağlıq ərazilərdə qar yağacağı bildirilir. Səhər və gündüz əsasən yağmursuz keçəcək. Arabir güclənən qərb küləyi gündüz şərq küləyi ilə əvəz olunacaq.

Havanın temperaturunun gecə 7-12°, gündüz 15-19° isti təşkil edəcəyi proqnozlaşdırılır.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında arabir yağış, bəzi yerlərdə isə qar yağacağı gözlənilir. Yağıntının ayrı-ayrı bölgələrdə intensivləşəcəyi, gündüz tədricən kəsiləcəyi bildirilir. Səhər saatlarında duman gözlənilir. Arabir güclənən qərb küləyi gündüz şərq küləyi ilə əvəz olunacaq.

Havanın temperaturu gecə 5-10° gündüz 11-16° isti, dağlarda gecə 0-5° isti, gündüz 5-10° isti olacaq.

Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarının bəzi yerlərində arabir yağış yağacağı bildirilir. Yağıntının ayrı-ayrı yerlərdə intensivləşəcəyi ehtimalı var. Gündüz hava əsasən yağmursuz keçəcək. Səhər saatlarında duman olacağı istisna deyil. Arabir güclənən qərb küləyi gündüz şərq küləyi ilə əvəz olunacaq.

Havanın temperaturunun gecə 9-14°, gündüz 17-22° isti olacağı bildirilir.

Masallı, Yardımlı, Lerik, Lənkəran, Astara rayonlarının bəzi yerlərində arabir yağış yağacağı, ayrı-ayrı yerlərdə intensivləşəcəyi gözlənilir. Gündüz əsasən yağmursuz olacaq. Səhər dağlarda duman müşahidə ediləcək. Şərq küləyi gecə və səhər arabir güclənəcək.

Havanın temperaturu gecə 10-13°, gündüz 15-20° isti, dağlarda gecə 3-8° isti, gündüz 10-15° isti təşkil edəcək.