Oktyabrın 18-də Bakı Konqress Mərkəzində Dövlət Turizm Agentliyi(DTA) və Azərbaycan Turizm Bürosunun təşkilatçılığı ilə Milli Turizm Sammiti baş tutacaq.
YeniAvropa xəbər verir ki, bu haqda DTA-dan məlumat verilib. Qeyd edilib ki, tədbirdə Azərbaycanın yeni milli turizm brendinin, loqosunun və şüarının geniş ictimaiyyət üçün təqdimatı olacaq, gələcək planlar və layihələr, qlobal və regional bazarlarda aparılacaq marketing strategiyası haqqında məlumat veriləcək.
Ölkəmizdə akkreditə olunmuş diplomatik korpus təmsilçilərinin, turizm sənayesinin, yerli və xarici tərəfdaş şirkətlərin, ictimaiyyətin, ümumilikdə 1500-dən çox nümayəndənin təmsil olunacağı sammitdə eyni zamanda Dövlət Turizm Agentliyinin və agentliyin tabeliyində olan Azərbaycan Turizm Bürosunun kollektivi də təqdim ediləcək.
Yeni brendin dünya ictimaiyyətinə təqdimatı isə bu ilin noyabrında Londonda keçiriləcək Dünya Səyahət Bazarı (London WTM) sərgisində reallaşacaq.
2597
2597
