İlham Əliyev Quba rayonunda bir sıra obyektlərin açılışında iştirak edib

Oktyabrın 11-də Azərbaycan prezidenti İlham Əliyev və birinci xanım Mehriban Əliyeva Quba rayonuna səfərə gəlib. 

YeniAvropa xəbər verir  ki, Qubada rayon Mərkəzi Xəstəxanasının açılışı olub. Azərbaycan prezidenti İlham Əliyev və birinci xanım Mehriban Əliyeva açılışda iştirak ediblər. Xəstəxanada yaradılan şəraitlə tanışlıqdan sonra prezident İlham Əliyev səhiyyə ocağının kollektivi ilə görüşüb. Sonda xatirə şəklii çəkdirilib. 

Quba rayonuna səfəri çərçivəsində prezidenti İlham Əliyev və birinci xanım Mehriban Əliyeva Kənd Təsərrüfatı Nazirliyinin  Meyvəçilik və Çayçılıq Elmi-Tədqiqat İnstitutunun tingçilik müəssisəsi ilə tanış olublar. Dövlət başçısı elmi-tədqiqat institutunun əsaslı təmir olunmuş binasında yaradılan şəraitlə maraqlanıb.

Prezidenti İlham Əliyev və birinci xanım Mehriban Əliyeva, Quba rayonuna səfər çərçivəsində, həmçinin,Bakı-Quba-Rusiya Federasiyası ilə dövlət sərhədi ödənişli avtomobil yolunda tikinti işlərinin gedişi ilə tanış olublar.

Bildirilib ki, yolun 45-ci kilometrliyindən, H.Z.Tağıyev qəsəbəsindən başlayan 92 kilometr uzunluğundakı hissəsi 1B texniki dərəcəyə uyğun olaraq inşa edilir.

Oktyabrın 11-də Quba rayonunun İdrisqışlaq-Qasımqışlaq-Xaspolad-Zərqava-Aspərəsti-Çayqışlaq avtomobil yolu istifadəyə verilib.Prezident İlham Əliyev 11 yaşayış məntəqəsini birləşdirən və uzunluğu 33 kilometr olan yolun açılışını edib. Dövlət başçısı yolun rəmzi açılışını bildirən lenti kəsib.

Oktyabrın 11-də Xızı rayonunun Yeni Yaşma və Şurabad qəsəbələrinin ərazisindəki 50 MVt-luq “Yeni Yaşma” Külək Elektrik Parkının açılışı olub. Azərbaycan prezidenti İlham Əliyev və birinci xanım Mehriban Əliyeva açılışda iştirak ediblər.