Ermənistanın baş naziri Nikol Paşinyan bir sıra məmurlardan vəzifədən getməyi xahiş etdiyini təsdiqləyib.
YeniAvropa Ermənistan KİV-nə istinadla xəbər verir ki, Paşinyan bu açıqlamanı mətbuatda və sosial şəbəkələrdə gedən kütləvi müzakirələri nəzərə alaraq verib. Bildirib ki, məmurlar onun müraciətini anlaşıqlı qarşılayıblar.
Bu gün səhər Ermənistan Ali Məhkəmə Şurasının sədri Karen Andreasyanın və Korrupsiyaya Qarşı Mübarizə Komitəsinin sədri Sasun Xaçatryanın istefası barədə məlumat yayılıb.
Bazar günü axşam saatlarından etibarən Ermənistan mediasında yayılan məlumatlara görə, Ermənistanın daxili işlər naziri Vaqe Qazaryan, ərazi idarəetmə və infrastruktur naziri Qnel Sanosyan, Dövlət Gəlirləri Komitəsinin sədri Rustam Badasyan və İstintaq Komitəsinin rəhbəri Argişti Kyaramyan da istefa ərizəsi yazıb.
245
245
