Oktyabrın 1-də günorta saatlarında Xəzər rayonunda ağır yol-nəqliyyat hadisəsi baş verib.
YeniAvropa xəbər verir ki, hadisə Binə qəsəbəsində qeydə alınıb. 160 nömrəli müntəzəm marşrut xətti üzrə hərəkət edən “10-TG-106” dövlət qeydiyyat nişanlı sərnişin avtobusunun hərəkətdə olan qatarla toqquşması nəticəsində ilkin məlumata görə, bir nəfər ölüb, 20 nəfər xəsarət alıb. Onlardan 7-si qadın, 10-u kişi və 3-ü uşaqdır.
Yaralıların bir hissəsi Sabunçu rayonundakı 3 nömrəli şəhər klinik xəstəxanasına, digərləri isə şəhərin müxtəlif xəstəxanalarına yerləşdirilib.
Səhiyyə Nazirliyinin mətbuat xidmətindən verilən məlumata görə, hadisə yerinə 10 həkim briqadası göndərilib. Xəstəxanaya çatdırılan yaralılardan biri dünyasını dəyişib.
4039
4039
