31 dekabr - Dünya Azərbaycanlılarının Həmrəyliyi Günü və Yeni il” münasibəti ilə Küveytdə bayram tədbiri keçirilib.
Azərbaycanın Küveyt dövlətindəki səfirliyindən YeniAvropa-ya bildiriblər ki, Küveytdə yaşayan, işləyən, təhsil alan həmvətənlərimizi özündə birləşdirən “Vətənsevər Dostluq Cəmiyyəti”nin, həmçinin ölkə ictimaiyyətinin nümayəndələrinin qatıldığı tədbir paytaxt Əl-Küveyt şəhərinin möhtəşəm mehmanxanalarından biri olan "Costa Del Sol"-da təşkil olunub.
Tədbir iştirakçılarına Azərbaycan prezidenti İham Əliyevin “31 dekabr Dünya Azərbaycanlılarının Həmrəylik Günü” münasibətilə ünvanladığı müraciət oxunub, bu bayram gününün yaranma tarixi, habelə bu şərəfli tarixin yaradıcısı ümummilli lider Heydər Əliyevin xidmətləri barədə ətraflı məlumat verilib.
Tədbirdə Azərbaycan Respublikasının istiqlaliyyət əldə etməsinin dünya azərbaycanlılarının milli qürurunun inkişafına böyük təkan verməsi, həmçinin milli dirçəlişin güclənməsinə tələbatın daha da artdığı bir dövrdə Azərbaycan prezidentinin fərmanı ilə 31 dekabrın - Dünya Azərbaycanlılarının Həmrəylik Günü elan edilməsinin əhəmiyyəti qeyd olunub. Tədbir bayram ziyafəti ilə davam edib.
2030
2030
