Fövqəladə Hallar Nazirliyinin(FHN) xilasediciləri tərəfindən Bakı şəhəri, Binəqədi rayonu, A.Kunanbayev küçəsində yerləşən sexdə baş vermiş partlayışla əlaqədar axtarış-xilasetmə əməliyyatı davam etdirilir.
YeniAvropa xəbər verir ki, bu barədə FHN-dən bildirilib.
Qeyd edək ki, yanvarın 15-də sözügedən ünvanda yerləşən mebel sexində partlayış baş verib. Hadisə nəticəsində indiyədək xilasedicilər tərəfindən dağıntılar altından 3-ü sağ çıxarılmaqla, 9 nəfərin cəsədi tapılaraq aidiyyəti üzrə təhvil verilib.
Partlayış nəticəsində ümumilikdə 24 nəfər xəsarət alıb.
1260
1260
