Fevralın 7-nə təyin edilmiş növbədənkənar Azərbaycan Respublikası Prezidenti seçkilərində namizədlərin seçkiqabağı təşviqatın aparılmasına yanvarın 15-də start veriləcək.
YeniAvropa xəbər verir ki, bu barədə yanvarın 13-də Məzahir Pənahovun sədrliyi ilə keçirilən Mərkəzi Seçki Komissiyasının(MSK) növbəti iclasında bildirilib.
Qeyd edilib ki, proses fevralın 6-sı saat səhər 8-də dayandırılacaq.
Azərbaycanda prezidentliyə qeydə alınmış namizədlərin siyahısı 2024-cü il 18 yanvar tarixinədək dərc olunacaq.
Xatırladaq ki, fevralın 7-ə təyin edilən növbədənkənar prezident seçkilərində iştirak üçün MSK 7 nəfərin-İlham Əliyev, Zahid Oruc, Razi Nurullayev, Fazil Mustafa, Elşad Musayev, Qüdrət Həsənquliyev, Fuad Əliyevin namizədliklərini qeydə alıb.
1477
1477
