Prezident İlham Əliyev yanvarın 7-də Mübariz Qurbanlının ordenlə təltif edilməsi haqqında sərəncam imzalayıb.
YeniAvropa xəbər verir ki, bu barədə prezidentin mətbuat xidməti məlumat yayıb.
Sərəncamda deyilir: "Azərbaycan Respublikasının ictimai-siyasi həyatında səmərəli fəaliyyətinə görə Mübariz Qəhrəman oğlu Qurbanlı 2-ci dərəcəli “Vətənə xidmətə görə” ordeni ilə təltif edilsin.
Qeyd edək ki, bu gün Mübariz Qurbanlının 70 yaşı tamam olub.
Mübariz Qurbanlı 7 yanvar 1954-cü ildə Şəmkir rayonunda anadan olub.
Azərbaycan Dövlət Universitetinin Tarix fakültəsini bitirib. O, 1993-cü ildə Azərbaycan Demokratik İstiqlal Partiyasının həmsədri olub. Daha sonra siyasi fəaliyyətini Yeni Azərbaycan Partiyasında davam etdirib. YAP Siyasi Şurasının və İdarə Heyətinin üzvü , partiyanın icra katibinin müavini olub.
Mübariz Qurbanlı Azərbaycan Respublikası Milli Məclisinin I, II, III, IV çağırış deputatı olub.
21 iyul 2014-cü ildə Azərbaycan Respublikasının Dini Qurumlarla İş üzrə Dövlət Komitəsinin sədri təyin edilib.
1176
1176
