Bakı metrosunun bütün stansiyalarında QR biletlə ödəniş mümkün olub
Nəqliyyat sahəsində xidmətlərin elektronlaşdırılması və rəqəmsal transformasiyanın təmin edilməsi istiqamətində növbəti addım atılıb. Belə ki, artıq Bakı Metropoliteninin bütün stansiyalarında sərnişinlərə QR bilet sistemi ilə gediş haqqını ödəmək imkanı yaradılıb.
YeniAvropa xəbər verir ki, bu barədə Rəqəmsal İnkişaf və Nəqliyyat Nazirliyindən məlumat verilib.
Belə ki, sərnişinlər QR ödəniş üsulundan mobil cihazlarına “BakıKart” mobil tətbiqini yükləməklə istifadə edə bilərlər.
Xatırladaq ki, bu sistem, pilot layihə kimi, ilk dəfə bu ilin sentyabr ayında Bənövşəyi xəttin “Xocəsən” və “8 Noyabr” stansiyalarında tətbiq edilib. Artıq bütün stansiyaların avtomat buraxılış-nəzarət məntəqələrindəki 350-dən artıq qurğuda (turniketdə) texniki işlər tam yerinə yetirilərək proqram təminatını həyata keçirən cihazlar quraşdırılıb və sınaqlar uğurla başa çatdırılıb.
Yeni ödəniş üsulunun üstünlükləri isə bunlardır:
∙ Kartsız olması – “BakıKart” plastik kartını almağa sərf olunan vəsaitə qənaət etməyə imkan yaradır. QR bileti yaratmaq üçün sadəcə mobil telefonun internetə çıxışının olması kifayətdir.
∙ Vaxta qənaət – artıq “BakıKart” plastik kartının balansını artırmaq üçün yükləmə terminalından istifadə etməyə ehtiyac yoxdur. Sərnişin hesabının balansını rahatlıqla “BakıKart” mobil tətbiqi üzərindən artıra və izləyə bilər.
∙ Ödəniş tarixçəsinin izlənilməsi – sərnişin tətbiqdə ictimai nəqliyyata sərf etdiyi vəsaiti izləyərək dövri büdcəni hesablaya bilər.
QR bileti “BakıKart” mobil tətbiqini “Google Play” və ya“App Store” platformalarından yükləyərək və qeydiyyatdan keçərək yaratmaq mümkündür. Bu zaman “pul kisəsi”ndə balans ən azı 1 manat artırılmalıdır. Sərnişin yaradılmış QR bileti turniketdə ödəmə displeyinə yaxınlaşdıraraq keçid edə bilər.
QR bilet istifadəçiləri bunları bilməlidirlər:
∙ QR bilet yalnız bir gediş üçün etibarlıdır;
∙ QR bilet 5 dəqiqə ərzində etibarlıdır;
∙ QR bilet üçün “pul kisəsi”ndə 1 manat bloklanır;
∙ Gediş haqqı bloklanan məbləğdən çıxılır və qalıq məbləğ “pul kisəsi”nə qaytarılır;
∙ QR biletdən 5 dəqiqə ərzində istifadə edilməzsə, bloklanan məbləğ 72 saat ərzində “pul kisəsi”nə qaytarılır.
Mobil tətbiq istifadəçiləri texniki məsələlərlə bağlı *4343 qısa nömrəsinə və “141” Çağrı Mərkəzinə müraciət edə bilərlər.
Bu ilin iyun ayında avtobuslarda nağdsız ödənişlər üçün “BakıKart” mobil tətbiqi istifadəyə verilib. Bu tətbiq istifadəçilərə asanlıqla səfərlərini planlamaq, “BakıKart” plastik kartlarının balansını artırmaq və gediş haqqını ödəmək imkanları yaradır. Həmçinin istifadəçilər tətbiqdə QR biletlər yarada və QR bilet tarixçələrini görə bilərlər.
Hazırda ictimai nəqliyyatda bütün növ ödəniş vasitələrindən istifadəyə imkan yaratmaq məqsədilə mövcud nağdsız ödəniş sistemi üzərində təkmilləşdirmə işləri aparılır. Sistem yeniləndikdən sonra təmassız texnologiyanı dəstəkləyən, bütün bank kartları və mobil cihazlardan birbaşa ödəniş etmək mümkün olacaq.
2024-cü ilin yanvar ayından bir neçə marşrutda ödənişlərin bank kartları ilə edilməsi sınaqdan keçiriləcək. Sınaqlardan sonra 2024-cü ilin ilk rübünün sonunda müvafiq ödəniş sisteminin tətbiqinə başlanılması nəzərdə tutulur.
Azərbaycan və Ukrayna XİN başçılarının telefon danışığı olub
Faktiki hava:Ölkə ərazisində leysan və qar yağır, külək güclənib
Premyer Liqada yenə 10 komanda mübarizə aparacaq
İstanbulda Dünya İslam Alimlərinin Məşvərət Toplantısı keçirilir
Güzdəkdəki "Bozdağı" palçıq vulkanı yenidən püskürüb
Gürcüstanda 30 universitetin tələbələri etiraz aksiyası keçirir
Müdafiə Nazirliyi MAXE qəbulu elan edib
Dördqat Avropa çempionu Hidayət Heydərov dünya reytinqində liderdir
İlham Əliyev bir sıra ada dövlətlərinin rəsmilərini qəbul edib
Çinin daha bir şəhərində Azərbaycan Ticarət Evi açılır
AQTA “Keşlə” bazarında nöqsanlar aşkarlayıb
Rüşvət alan daha bir SHXÇDX əməkdaşı həbs edilib
"Şahdağ"a qar yağır
Azərbaycanda 9 mindən artıq "SPİD" xəstəsi qeydiyyatdadır
Əhməd Əhmədov 5 ailə üzvünü öldürərkən anlaqsız vəziyyətdə olub
Bakıda keçiriləcək “GSMA M360 Eurasia 2024” konfransına 2 gün qalıb
İlham Əliyev Millətlər Birliyi təşkilatının baş katibini qəbul edib
Bir sıra birinci instansiya məhkəmələrinin hakimləri təyin edilib
Sabah Bakıda yağış yağacaq , bölgələrdə şimşək çaxacaq,dolu düşəcək,qar yağacaq
Bakıda Beynəlxalq Aqrar İnnovasiya Forumu keçiriləcək
Azərbaycan Ordusunda andiçmə mərasimləri keçirilib
Məzahir Pənahov parlament seçkilərinə hazırlıqdan danışıb
İlham Əliyev Köndələnçay su anbarının açılışında iştirak edib
Almatıda Azərbaycan və Ermənistan XİN başçılarının görüşü keçirilir
Sabah Bakıda 24° isti olacaq