Şəmkir rayon İcra Hakimiyyətinin keçmiş başçısı Aslan Aslanov bu gün 57 yaşında vəfat edib.
YeniAvropa xəbər verir ki, bu haqda Şəmkir rayon İcra Hakimiyyətindən bildirilib. Qeyd edilib ki, Aslan Aslanov uzun müddətdir xərçəng xəstəliyindən əziyyət çəkirdi.
O, doğulduğu Şəmkir rayonunun Əliyaqublu kənd qəbiristanlığında dəfn ediləcək.
Xatırladaq ki, A.Aslanov 1961-ci ildə Şəmkir rayonunun Əliyaqublu kəndində anadan olub. O, 1993-cü ildən 2005-ci ilə qədər Şəmkir rayon İcra Hakimiyyətinin başçısı olub. Daha sonra 8 il kənd təsərrüfatı nazirinin müavini, Dövlət Baytarlıq Xidmətinin rəisi vəzifələrində çalışıb. Yeni Azərbaycan Partiyasının Siyasi Şurasının üzvü olub.
Allah rəhmət eləsin!
2954
2954
