AFFA və ANAMA arasında Anlaşma Memorandumu imzalanıb
Azərbaycan Respublikasının Minatəmizləmə Agentliyi (ANAMA) işğaldan azad olunmuş və müharibənin təsirinə məruz qalmış ərazilərdə minatəmizləmə fəaliyyətinin icrası ilə paralel olaraq Partlayıcı Sursatların Təhlükəsinə dair Maarifləndirmə və minadan zərərçəkənlərə qayğı göstərilməsi, onların daima mənəvi ruh yüksəkliyinin təmin olunması istiqamətində aparılan işlərə də böyük əhəmiyyət verir. Belə ki, qeyd olunan istiqamətdə fəaliyyətin genişləndirilməsi və inkişaf etdirilməsi məqsədilə ANAMA ilə AFFA səylərini birləşdirir.
YeniAvropa xəbər verir ki, Bakı Olimpiya Stadionunda aprelin 3-də Azərbaycan Futbol Federasiyaları Assosiasiyası (AFFA) və ANAMA arasında Anlaşma Memorandumunun imzalanması ilə bağlı tədbir keçirilib.
Memorandum qarşıya qoyulan prioritet məqsədlərin həyata keçirilməsində tərəflərin əməkdaşlığını təmin etmək, mina təhlükəsinə dair maarifləndirmə sahəsində kütləviliyin artırılması üçün birgə tədbirlər həyata keçirmək, minadan zərərçəkmiş şəxslərin sosial inteqrasiyası üçün onların müxtəlif futbol yarışlarında, digər kütləvi idman tədbirlərində iştirakını dəstəkləmək kimi vacib məsələləri özündə ehtiva edir.
Anlaşma Memorandumunu AFFA-nın baş katibi Sərxan Hacıyev və Minatəmizləmə Agentliyinin İdarə Heyətinin sədri Vüqar Süleymanov imzalayıb.
İmzalanma mərasimində çıxış edən AFFA-nın baş katibi Sərxan Hacıyev qeyd edib ki, Azərbaycan dünyada mina təhlükəsindən çox ciddi əziyyət çəkən ölkələrdən biridir: “Bu səbəbdən mina partlayışı nəticəsində vətəndaşlarımızın həlak olması və ya ağır yaralanması halları ilə qarşılaşırıq. Düşünürəm ki, AFFA və ANAMA arasında əsasını qoyduğumuz tərəfdaşlıq mina partlayışları nəticəsində xəsarət almış şəxslərin futbol oyunlarının və turnirlərinin təşkili, sevimli idman növündən zövq almalarına zəmin yaradılması üzərimizə düşən məsuliyyətlərdən biridir”.
Memorandumda qeyd olunub ki, birgə əməkdaşlıq çərçivəsində tərəflər oyunlar və turnirlər təşkil edəcək, eləcə də turnirlərdə mina təhlükəsinə dair maarifləndirici çağırışların geniş şəkildə yayılması və ictimaiyyətə çatdırılması istiqamətində lazımi dəstək verəcək. Habelə, mina təhlükəsinə dair maarifləndirmə və inklüziv futbol turnirlərini (mina partlayışları nəticəsində xəsarət almış şəxslərin futbol oyunları və turnirləri) dəstəklənməsi məqsədilə əməkdaşlıq mexanizmlərinin yaradılması istiqamətində müvafiq tədbirlər görüləcək.
Daha sonra çıxış edən ANAMA-nın İdarə Heyətinin sədri Vüqar Süleymanov bildirib ki, ölkəmizin genişmiqyaslı mina problemi ilə üzləşdiyi bir zamanda ANAMA və AFFA arasında imzalanan Anlaşma Memorandumu istər Partlayıcı Sursatların Təhlükəsinə dair Maarifləndirmə, istərsə də mina və partlamamış hərbi sursatlardan zərərçəkən şəxslərin cəmiyyətə reinteqrasiyası baxımından böyük əhəmiyyətə malikdir: “Günümüzdə böyük bir kütlə tərəfindən sevilən və izlənən futbol idman növü üzrə inklüzivliyin dəstəklənməsi, mina hadisələri nəticəsində müxtəlif xəsarətlər alan və ya amputant futbolçuların bu idman növünə cəlb olunması və sosial-ictimai rifahının yaxşılaşdırılması olduqca vacib məsələlərdən biridir”.
Anlaşma Memorandumu imzalandıqdan sonra Bakı Olimpiya Stadionunun ərazisində yerləşən meydançada mina partlayışları nəticəsində xəsarət almış amputant şəxslər arasında futbol oyunu keçiriləcək.
Ərdoğan İran prezidentinin ölümünə görə ölkədə birgünlük matəm elan etdi
Dünya çempionatı:Hidayət Heydərov qızıl medal qazanıb
Bakıda Azərbaycan-Gürcüstan siyasi məsləhətləşmələri keçirilib
BMT-nin baş katibi İran prezidentinin ölümü ilə bağlı başsağlığı verib
Avropa çempionatı: Daha bir güləşçimiz finala yüksəlib
Bakıda Beynəlxalq Uşaq və Gənc Rəsm Festivalı keçiriləcək
“Baku Steel Company” Tacikistan şirkəti ilə əməkdaşlıq edəcək
Avropa çempionatı: Azərbaycan güləşçisi finala yüksəlib
Mərkəzi Bank yeni 1 qəpiklik metal pul nişanını tədavülə buraxıb
Qeyri-sabit hava şəraiti mayın 24-dək davam edəcək
İran prezidentinin cənazəsi sabah Təbrizdən Məşhədə göndəriləcək
Şahin Bayramov Qarabağ Universitetinin rektoru təyin edilib
Sabahdan paytaxtın mərkəzi küçələrindən biri 3 günlüyə bağlanır
Azərbaycanda ötən il nikahların sayı azalıb, boşanmalar isə artıb
Xankəndiyə prokuror təyin edilib
Gimnastlarımız Dünya Kubokunda qızıl medal qazanıblar
Cüdoçularımız Avropa Kubokunda 6 medal qazanıblar
Bakıda “Yaşıl dünya naminə” Bitki Sağlamlığı Forumu keçiriləcək
İran prezidentinin dəfn mərasimi sabah Təbrizdə keçiriləcək
Sabah Bakıda 24° isti olacaq
Paytaxtın mərkəzindəki Cavanşir körpüsünün sökülməsinə başlanılıb
İlham Əliyev Latviya Seyminin sədrini qəbul edi
Xaqani bağında abadlaşdırılma işləri aparılır
İran prezidenti vəzifəsini müvəqqəti olaraq vitse-prezident icra edəcək
Ağsu dolaylarındakı sürüşmə yolun bağlanmasına səbəb olub