Dövlət Miqrasiya Xidməti (DMX) tərəfindən qanunsuz miqrasiyaya qarşı keçirilmiş tədbirlər zamanı ayrı-ayrı ölkələrin vətəndaşları olan ümumilikdə 87 əcnəbi saxlanılıb.
DMX-dən YeniAvropa-ya bildiriblər ki, onlardan 78 nəfərin ölkə ərazisində qanunsuz yaşadıqları, 7-sinin qeydiyyat ünvanı üzrə yaşamadıqları, 2-sinin isə Azərbaycan Respublikasının ərazisində gəlişinin bəyan edilmiş məqsədlərini pozduqları müəyyənləşdirilib.
Saxlanılmış əcnəbilərdən 78-i barəsində inzibati qərarlar qəbul olunub. Digər əcnəbilərin Azərbaycan Respublikası hüdudlarından kənara çıxarılması istiqamətində müvafiq tədbirlər görülür.
DMX qanunsuz miqrasiyaya qarşı mübarizəni davam etdirir.
2345
2345
