logo

"Zaqreb Open":Güləşçilərimiz ilk yarış günündə 5 medal qazanıblar

22:13 01-02-2023 | icon 2373
"Zaqreb Open":Güləşçilərimiz ilk yarış günündə 5 medal qazanıblar

Xorvatiyanın paytaxtında keçirilən "Zaqreb Open" reytinq turnirinin ilk yarış günündə  Azərbaycan  sərbəst güləşçiləri 5 medal qazanıblar.

YeniAvropa xəbər verir ki, 74 kq çəkidə çıxış edən Cəbrayıl Qadjiyev macarıstanlı Murad Kuramaqomedova 5:0 hesabı ilə qalib gələrək 3-cü yeri tutub.

Bundan əvvəl isə Azərbaycanın sərbəst güləşçisi Hacı Əliyev  "Zaqreb Open"də final görüşünə çıxıb. 70 kq-da yarışan üçqat dünya və üçqat Avropa çempionu həlledici qarşılaşmada ABŞ təmsilçisi Alek Uilyam Pantaleonu sınağa çəkib. Rəqibinə 2:5 hesabı ilə uduzan Əliyev ikinci yerlə kifayətlənib.

Bu çəki dərəcəsində digər güləşçimiz Xadjimurad Qadjiyev isə hindistanlı Vişal Kaliramanı 10:0 hesabı ilə məğlub edərək, bürünc medala yiyələnib.

Qeyd edək ki, daha əvvəl Əliabbas Rzazadə (57 kq) qızıl, Əli Rəhimzadə (65 kq) isə bürünc medal əldə edib.