Dekabrın 23-də Quba rayonunun Xınalıq kəndindən Tufandağ istiqamətində yürüşə çıxaraq itkin düşən “Gilavar” Hava və Ekstrim İdman Klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlunun axtarışları davam etdirilir.
YeniAvropa xəbər verir ki, dekabrın 28-də səhər saatlarından başlayaraq axtarışlara yenidən start verilib. Dağlıq ərazidə itkin düşmüş alpinistlərin axtarışlarına Fövqəladə Hallar Nazirliyinin (FHN) Aviasiya dəstəsinin "Mi-17" markalı helikopteri, Şimal Regional Mərkəzinin axtarış-xilasetmə qrupu, FHN-in Xüsusi Riskli Xilasetmə Xidmətinin dağ-xilasetmə dəstəsi və alpinistlər cəlb olunub.
Axtarış-xilasetmə əməliyyatı ilə bağlı FHN-in Şimal Regional Mərkəzində qərargah yaradılıb.
2163
2163
