logo

Karate millimiz Türkiyəyə  dünya çempionatına yollanıb

15:05 24-10-2022 | icon 1890
Karate millimiz Türkiyəyə  dünya çempionatına yollanıb

Yeniyetmə və gənclərdən ibarət karate üzrə milli komandamız dünya çempionatında iştirak etmək üçün Türkiyənin Konya şəhərinə yollanıb.

Azərbaycan Milli Karate Federasiyasından(AMKF) YeniAvropa-ya bildirilib ki,federasiya prezidenti Yaşar Bəşirovun rəhbərlik etdiyi heyətdə 6 məşqçi, 3 hakim və 28 idmançı yer alıb.

Kumite üzrə baş məşqçi Anar Allahverdiyev, Seymur Xudaverdiyev və Şahin Atamov 14-15 yaşlı yeniyetmələrdə 10, 16-17 yaşlıların mübarizəsində 9, 21 yaşadək gənclərdə isə 9 idmançının çıxışına üstünlük veriblər. Böyüklərdən ibarət milli komandanın baş məşqçisi Qurban Tağıyev və Şahin Xudaverdiyev həmkarları ilə birgə idmançıları yarışa çıxaracaq.

Kumitə yarışlarında 14-15 yaşlı yeniyetmələrdən İsmayıl Xamoyev (52 kq), Aslan Dostuyev (57 kq), Mirzə Həmidbəyli (63 kq), Cahangir Qayıbov (70 kq), Əzim Rahib (+70 kq), Pərvin Hüseynzadə (47 kq), Gülay Orucova (54 kq) və Sofiya Hüseynli (+54 kq), 16-17 yaşlıların mübarizəsində Fərid Savadov (55 kq), Salman Əlirzayev (61 kq), Rəşid Süleymanov (68 kq), Rumil Jəfərli (76 kq), Vahid Həsənov (+76 kq), Fatimə Cəbrayılova (48 kq), Aysu Əliyeva (50 kq), Aysel Qasımova (59 kq) və Nuray Nağiyeva (+59 kq), 21 yaşadək gənclərdə isə Əminağa Quliyeva (60 kq), Nuran Rzazadə (67 kq), Fərid Ağayev (75 kq), Hüseyn Hüseynzadə (84 kq), Osman Osmanlı (+84 kq), Xumar Əlibəyova (50 kq), Fatma Zeynalova (55 kq) və Ayla Rzazadə (61 kq) medallar uğrunda çıxış edəcəklər.

Karate üzrə milli komandanın baş məşqçisi Vahid Ayvazov 3 idmançını, o cümlədən 14-15 yaşlı yeniyetmələrdə Salman Salmanov və Ramilə Heydərovanı, həmçinin 21 yaşadək gənclərdə Həsənəli Həsənovu müşayiət edəcək. Beynəlxalq hakimlərdən Cahangir Babayev, Vüqar Kərimov və yarışqabağı kumite üzrə ən yüksək dərəcə imtahanı verən Rənad Əliyev yarışın referiləri arasında olacaq.

Qeyd edək ki, Konyada yeniyetmə və gənclərin 12-ci dünya çempionatında 105 ölkədən 1830 karateçi iştirak edəcək. Üç yaş qrupuna bölünən idmançılar 35 kateqoriya üzrə 140 medal uğrunda mübarizə aparacaqlar.