logo

"U-23" güləş millimiz dünya çempionatına yollanır

17:17 14-10-2022 | icon 1953
"U-23" güləş millimiz dünya çempionatına yollanır

Oktyabrın 17-dən 23-dək İspaniyanın Pontevedra şəhərində güləş üzrə "U-23" dünya çempionatı keçiriləcək.

YeniAvropa xəbər verir ki, Azərbaycan Güləş Federasiyasının rəhbər şəxsləri məsul yarış ərəfəsində komanda üzvləri ilə görüşərək onlara mundialda uğurlar arzulayıblar.

Yarışın ilk günlərində yunan-Roma güləşi üzrə millimiz mübarizə aparacaq. Baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında Nihad Quluzadə (55 kq), Nihat Məmmədli (60 kq), Ziya Babaşov (63 kq), Qurban Qurbanov (72 kq), Laçın Vəliyev (87 kq) və Sərxan Məmmədov (130 kq) çıxış edəcəklər.

Qadınların yarışında baş məşqçi əvəzi Rövşən Umudov və böyük məşqçi Həsrət Məmmədyarovun rəhbərliyi altında Şəhanə Nəzərova (50 kq), Gültəkin Şirinova (53 kq), Elnurə Məmmədova (55 kq), Jalə Əliyeva (59 kq), Birgül Soltanova (62 kq) və Nigar Mirzəzadə (65 kq) ölkəmizi təmsil edəcəklər.

Yarışın sonuncu günlərində isə sərbəst güləşçilər qalibləri müəyyənləşdirəcəklər. Baş məşqçi Namiq Abdullayev, böyük məşqçi Zəlimxan Hüseynov və məşqçi Arif Abdullayevin rəhbərliyi altında Tofiq Əliyev (57 kq), İntiqam Vəlizadə (61 kq), Kənan Heybətov (70 kq), Xadjimurad Qadjiyev (74 kq), Əşrəf Aşırov (79 kq), İslam İlyasov (97 kq) və Vaxit Qalayev (125 kq) uğur qazanmağa çalışacaqlar.

Qeyd edək ki, I-S kateqoriyalı hakim Sədi Quliyev DÇ-də ədaləti qoruyacaq.