Suraxanı rayonu, Hövsan qəsəbəsi, Quşçuluq massivi deyilən ərazidə özəl qəbiristanlıq fəaliyyət göstərir.
YeniAvropa "Xəzər TV"yə istinadən xəbər verir ki, sakinlərin iddiasına görə bu qəbiristanlıq sahibkara məxsusdur və burada dəfn xərcləri dövlət və bələdiyyə məzarlıqlarından xeyli bahadır.
Məhəmməd adlı bir şəxs isə iddia edir ki, bu məzarlıqda qəbir yerləri üçün konkret qiymətlər qoyulub.
"Xəzər TV" qəbiristanlığın sahibi kimi adı hallanan Hacı Balağaadlı şəxs ilə də əlaqə saxlayıb. O, qəbiristanlığın ona yox, başqasına məxsus olduğunu bildirsə də, burada məzar yerinin pullu olduğunu təkzib etməyib.
Bakı Şəhəri Əhaliyə Vətəndaşlıq Xidməti Trestindən bildiriblər ki, Hövsan qəsəbəsində yalnız Dədə Qorqud qəbiristanlığı onların balansındadır. Suraxanı Rayon İcra Hakimiyyətindən isə məlumat verilib ki, sözügedən qəbiristanlıq nə onların, nə də ərazi bələdiyyəsinin tabeçiliyindədir.
2709
2709
