Kənd Təsərrüfatı Nazirliyi və BMT İnkişaf Proqramı təxminən 24 milyon dollarlıq layihəyə başlayır. YeniAvropa xəbər verir ki, bu barədə BMT-nin rezident əlaqələndiricisi və BMT İnkişaf Proqramının rezident nümayəndəsi Qulam İsakzai "Qlobal əhəmiyyətli aqrobioloji müxtəlifliyin mühafizəsi və davamlı istifadəsi" mövzusunda layihənin giriş seminarında deyib.
O bildirib ki, layihənin maliyyə dəyərinin 4,1 milyon dolları Qlobal Ekoloji Fond, 200 min dolları BMT İnkişaf Proqramı, 20 milyon dolları isə Azərbaycan dövləti tərəfindən qarşılanıb. Kənd təsərrüfatı, o cümlədən bitki istehsalı və bağçılıq sahələrinə investisiyaları genişləndirməklə, ölkələr ətraf mühiti qorumuş olur və bununla yanaşı, aclığın aradan qaldırılması, yoxsulluğun azaldılması və insanların səlahiyyətlərinin artırılmasına müvəffəq olurlar.
2898
2898
