Bu il Türkiyədə yaşamaq icazəsi alan əcnəbilərin sayı 128 min 256 nəfərə çatıb. Son 13 il ərzində isə 589 473 nəfər xarici vətəndaşa Türkiyədə yaşamaq üçün icazə verilib.
YeniAvropa.Az xəbər verir ki, Türkiyə Daxili İşlər Nazirliyi Baş Miqrasiya İdarəsi 2005-ci ildə 178 964 nəfər xarici vətəndaşa yaşayış üçün icazə verildiyi halda, 2016-cı ilin sonuna bu rəqəmin 461 217 nəfər təşkil etdiyini açıqlayıb.
Bu ilin dekabrın 7-nə olan rəqəmlərə görə, il ərzində Türkiyədə 128 min 256 əcnəbiyə yaşamağa icazə verilib. Beləliklə, son 13 il ərzində Türkiyədə məskunlaşan əcnəbilərin sayı 589 min 473 nəfər olub.
Yaşayış icazəsi alan əcnəbilər, əsasən, Antalya, İstanbul və Ankarada məskunlaşıblar.
Ümumilikdə, 2005-2016-cı illər ərzində 55 983 İraq, 48 738 Suriya, 39 184 Azərbaycan, 24 253 Türkmənistan, 21 006 Rusiya vətəndaşı Türkiyədə yaşayış izni alıb.
L.Ə.
2583
2583
