Hacıqabul rayonundakı quşçuluq şirkətlərinin birinin həyətindəki elektrik transformatorunun mis sarğılarının kəsilərək oğurlanması barədə rayon polis şöbəsinə müraciət daxil olub. Daxili İşlər Nazirliyinin mətbuat xidmətindən YeniAvropa-ya bildiriblər ki, məlumatla əlaqədar əməliyyat-axtarış tədbirlərinə başlayan polis əməkdaşları oğurluğu törətməkdə şübhəli bilinən şəxsi qısa müddətdə müəyyən edərək saxlayıblar. Araşdırmalarla onun Ağacanlı kənd sakini, əvvəllər məhkum edilmiş Sahib Ələkbərov olduğu müəyyənləşib. Onun üzərində axtarış aparılan zaman narkotik vasitə olan heroin aşkar edilib.
Tədbirlərin davamı olaraq S.Ələkbərova məxsus həyətyanı sahədən kultivasiya yolu ilə yetişdirilmiş 13 çətənə kolu, 95 qram marixuana və 186 çətənə toxumu aşkar edilərək götürülüb.
Nəsimi rayon Polis İdarəsinin 19-cu polis bölməsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində saxladıqları Yardımlı rayon sakini Dilqəm Qarayevdən 455 qram tiryək və 15 qram heroin götürülüb.
Götürülmüş maddi sübutlar ekspertizaya təqdim olunub.
Faktlarla bağlı cinayət işləri başlanılıb.
2226
2226
