Azərbaycanda koronavirus infeksiyasından daha 125 nəfər müalicə olunaraq sağalıb, 412 yeni yoluxma faktı qeydə alınıb.
YeniAvropa xəbər verir ki, bu barədə Nazirlər Kabineti yanında Operativ Qərargahdan verilən məlumatda bildirilib. Qeyd edilib ki, bu gün koronavirusdan ölüm halı qeydə alınmayıb.
Hazırkı dövrədək ölkəmizdə 340 min 57 nəfərin koronavirus infeksiyasına yoluxması faktı müəyyən edilib. Onlardan 331 min 907 nəfər müalicə olunaraq sağalıb, 5002 nəfər vəfat edib. Aktiv xəstə sayı 3148 nəfərdir. Ötən müddət ərzində 3 milyon 965 min 397 test aparılıb. Bugünkü test sayı isə 11 min 381-dir.
2625
2625
