İctimai Televiziya və Radio Yayımları Şirkətinin Yayım Şurasının bugünkü iclasında Balakişi Qasımov İTV-nin yeni baş direktoru seçilib.
YeniAvropa xəbər verir ki, Balakişi Qasımovun qısa bioqrafiyasını təqdim edir.
Balakişi Ələkbər oğlu Qasımov 20 oktyabr 1978-ci ildə Bakı şəhərində anadan olub.
Azərbaycan Dövlət İqtisad Universitetinin maliyyə ixtisası üzrə bakalavr və magistr təhsili alıb.
Onun əmək fəaliyyətinin əksər dövrü media-televiziya sahəsi ilə bağlı olub. İTV-nin baş direktoru seçilənə qədər "Gametv.az" prodüser mərkəzinin rəhbəri vəzifəsində çalışıb. O, eyni zamanda, Azərbaycan Televiziyasında yayımlanan beynəlxalq lisenziyalı “Əlaçı” (“Brainist”), “61!” (“Jeopardy!”), “Breyn-rinq”, "Kim? Harda? Nə vaxt?" verilişlərinin baş prodüseri və rejissoru olub. Beynəlxalq "Kim? Harda? Nə vaxt?" klubları assosasiyası təfərindən 2010-cu ildə ilin adamı seçilib.
Rusiya telekanallarında yayımlanan verlişlərdə tamaşaçılar onu daha çox Balaş Qasımov kimi tanıyıblar.
2010-cu ilin yekunlarına əsasən, "Büllur bayquş", "Brilyant bayquş", "Klubun ən yaxşı kapitanı" poqonu mükafatlarına layiq görülüb.
Ailəlidir, 2 övladı var
2338
2338
