Sabah Bakıda "Formula 1 Azərbaycan Qran-Pri"si başlayır.YeniAvropa xəbər verir ki, bu il Bakı şəhəri artıq üçüncü dəfə Formula 1 yarışlarına ev sahibliyi edir. Aprelin 27-29-da ölkəmizdə Formula 1 dünya çempionatının dördüncü mərhələsi – "Azərbaycan Qran-Pri"si keçiriləcək. Aprelin 27-də sərbəst yürüşlər, ertəsi gün sıralanma turu, aprelin 29-da isə "Azərbaycan Qran-Pri"si təşkil olunacaq.
Dənizkənarı Milli Park boyunca uzanan F1 azarkeşlərinin əyləncə zonasında aprelin 29-dək yarışı izləməyə gedəcək avtoidman həvəskarlarına bir-birindən maraqlı yeni əyləncələr təqdim olunacaq.Artıq bu gündən Dənizkənarı Bulvarda yarış çərçivəsində əyləncə tədbirləri start götürüb. Əyləncə tədbirləri aprelin 27-də və 28-də saat 10:00-dan 19:00-dək və aprelin 29-da saat 10:00-dan 14:00-dək keçiriləcək. Həmçinin musiqili əyləncə proqramı aprelin 27-29-da axşam saatlarından başlayaraq “Baku Crystal Hall”da bir-birinin ardınca səhnəyə çıxacaq dünya ulduzları və məşhur DJ-lərin möhtəşəm performansları ilə gec saatlaradək davam edəcək.
2324
2324
