logo

COVİD-19-a qarşı peyvənd olunanlarla bağlı həkimdən açıqlama

13:13 18-04-2021 | icon 2156
COVİD-19-a qarşı peyvənd olunanlarla bağlı həkimdən açıqlama
"Peyvəndin birinci dozasından sonra koronavirusa yoluxan şəxslərə ikinci dozanın vurulub-vurulmaması vətəndaşların öz şəxsi seçimi əsasında olsa, daha doğru olar".
 
YeniAvropa xəbər verir ki,  bunu "ARB24"də yayımlanan "Nə baş verir?” verilişinə açıqlamasında həkim Vəfa Ağayeva deyib.
 
O bildirib ki, virusa yoluxan hər kəsdə antitellər yaranmaya bilər:
 
"Koronavirusa yoluxan hər şəxsdə immunoqlobulinlərin, yəni antitellərin formalaşması yüzdə yüz deyil. Bəzi şəxslər virusa yoluxurlar, amma onlarda antitel formalaşmır.
 
Buna görə hesab edirəm ki, birinci dozadan sonra koronavirusa yoluxan şəxslərə ikinci doza vurulmamışdan əvvəl immunoqlobulinlərin səviyyəsi yoxlansa, daha yaxşı olar. İmmunoqlobulin yüksək olarsa, ikinci dozasının vurulmasının heç bir ziyanı yoxdur”.