Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi ölkə ərazisində aprelin 20-dən 21-i səhərədək hava şəraiti qeyri-sabit olub, arabir yağış, dağlıq ərazilərdə qar yağıb, bəzi yerlərdə intensiv olub.
Departamentdən YeniAvropa-ya bildirilib ki, düşən yağıntının miqdarı Bakıda və Abşeron yarımadasında 2-10, Kiçik Qafqazda 12-36, Mərkəzi Aran rayonlarında 1-10, Böyük Qafqazda 1-8, Qazax-Gəncə zonasında 1-11, Naxçıvan Muxtar Respublikasında 1-4, Lənkəran-Astara zonasında 1 millimetr təşkil edib.
Qar örtüyünün hündürlüyü Qırızda 12, Xınalıqda 10 (Quba), Dəstəfurçay Qaraqollarda, Gəncəçay-Alaxançallıda (Daşkəsən) və Şahdağda (Qusar) 5 santimetr olub.
2338
2338
