“AITF 2018" sərgisində 20 ölkədən 277 şirkət iştirak edəcək

Aprelin 5-də  Bakı Ekspo Mərkəzində start götürəcək Azərbaycan Beynəlxalq Turizm və Səyahətlər “AITF” 2018 sərgisində 20 ölkəsindən 277 şirkət iştirak edəcək. YeniAvropa xəbər verior ki, bu haqda sərgi təştilatçıları bu gün keçirdikləri mətbuat konfransında məlumat veriblər. Qeyd edilib ki, sayca 17-ci dəfə keçirilən builki sərgiyə  ənənəvi olaraq  Azərbaycan Respublikası Mədəniyyət və Turizm Nazirliyi dəstək verir.

Bildirilib ki, bu il də sərgi iştirakçılarının sırasına həm yerli, həm də xarici iştirakçılar qatılıblar. Ümumilikdə, “AITF” sərgisində debütantlar iştirakçıların 31%-ni təşkil edirlər. “AITF 2018” sərgisinin tərəfdaş ölkəsi qismində hər il mütəmadi olaraq öz milli stendi ilə çıxış edən Bolqarıstan ölkəsidir. Sərgidə 90-dan çox turizm istiqamətini, eləcə də digər turizm xidmətlərini təqdim edən şirkətlər iştirak edir ki, bu da hətta ən tələbkar müştərilərə belə qeyri-standart istirahət proqramı seçmək üçün imkan yaradır. Ölkələrin fəal iştirakı artıq “AITF” sərgisinin vizit kartına çevrilib. Bu il sərgidə Azərbaycan, Gürcüstan, Dominikan Respublikası, İtaliya, Mərakeş, Tailand, Türkiyə, Çexiya, Dağıstan (Rusiya), Roqaşki Slatina (Sloveniya) və Stavropol Diyarından (Rusiya) ümumilikdə 13 milli və regional ekspozisiya iştirak edir. Həmçinin bu il Şərqi Yava (İndoneziya) sərgidə debüt edir. Milli və regional stendlərdə kurort və sanatoriyaların, eləcə də turizm şirkətləri və otel şəbəkələrinin nümayəndələri fəaliyyət göstərəcəklər.

Sərgi çərçivəsində həmçinin 12-ci Qafqaz Beynəlxalq Mehmanxana, Restoran və Super-marketlər üçün Avadanlıq və Ləvazimatlar “HOREX Caucasus 2018” sərgisi də təşkil olunub. 

Qeyd edək ki, “AITF” və “HOREX Caucasus” sərgiləri Azərbaycan Respublikası Mədəniyyət və Turizm Nazirliyi, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən dəstəklənir. Həmçinin “AITF” sərgisində daim iştirak edən Azərbaycan Turizm Assosiasiyası “AZTA” sərgiyə dəstək göstərir. Ümumdünya Turizm Təşkilatı “UNWTO” və Asiya-Sakit Okean Turizm Assosiasiyası “PATA” “AITF” sərgisinə dəstək göstərən beynəlxalq təşkilatlar arasında yer alırlar. AITF sərgisi “UFI” Ümumdünya Sərgi Sənayesi Assosiasiyası tərəfindən keyfiyyət nişanına layiq görülüb. 2018-ci ildə “Iteca Caspian” şirkətinin tərəfdaşları arasında rəsmi səyahət agentliyi “Premier Tour” şirkətləri, o cümlədən “Hyatt Regency” və “Qafqaz Point Hotel” mehmanxanaları (rəsmi otellər), yer alır.  5-7 aprel tarixində “AITF” və “HOREX Caucasus” sərgilərinə giriş sənaye mütəxəssisləri və əlaqədar sahələrdə çalışan şəxslər üçün açıq olacaq. Tələbələr və yaşı 16-dan aşağı olan uşaqlar (valideynlərin müşayiəti ilə) sərgini yalnız 7 aprel tarixində ziyarət edə bilərlər. Sərginin təşkilatçıları qismində “Iteca Caspian” və onun Böyük Britaniyalı tərəfdaşı “ITE Group” şirkətləri çıxış edirlər.