"Bakcell" və“Xalq Bank”dan minlərlə hədiyyə

Azərbaycanın ilk mobil operatoru və aparıcı mobil internet provayderi "Bakcell" özünün “Ulduzum” loyallıq proqramının iştirakçılarını sərfəli təkliflər və inanılmaz kampaniyalarla sevindirməyə davam edir. Şirkətdən YeniAvropa-ya verilən məlumatda qeyd edilir ki, "“Xalq Bank”la “Ulduzum” hədiyyələr qazandırır!” kampaniyasında iştirak etməklə “Ulduzum” abunəçiləri gözəl hədiyyələr qazanmaq şansı əldə edirlər. Belə ki, 15 mart 2018-ci il tarixdən 15 sentyabr 2018-ci il tarixinədək keçirilən ani lotereyanın şərtlərinə əsasən, “Xalq Bank”ın filiallarında müvafiq bank əməliyyatlarından (təcili pul köçürmələri, kommunal, rabitə, internet, TV xidmətlərinin, yol hərəkəti qaydalarının pozuntusu ilə əlaqədar tətbiq edilən cərimələrin ödənilməsi, bank hesabları üzrə bəzi əməliyyatlar, depozit seyflərinin icarəsi, ödəniş kartının əldə edilməsi və s.) istifadə edən hər bir şəxs 8000-dən artıq hədiyyədən birini qazanacaq.

Ani lotereyada iştirak edib hədiyyələri qazanmaq üçün “XalqBank”ın istənilən filialında yuxarıda göstərilən bank əməliyyatlarından istifadə zamanı, XALQBANK sözünü 5555 nömrəsinə pulsuz SMS vasitəsilə göndərməklə alınan “Ulduzum” kodunu Bankın əməkdaşına təqdim etmək lazımdır.Həmin kod bank əməkdaşı tərəfindən elektron lotereya proqramına daxil edilir.Proqram təsadüfi seçim yolu ilə müştərinin hədiyyəsini müəyyən edir və hədiyyə yerində təqdim olunur.

Qeyd edək ki, kampaniyada iştirak edən müştərilər 20-yə qədər pulsuz "Bakcell" dəqiqəsi, 10 litrə qədər yanacaq təmin edən “Azpetrol” kuponları, “Autolux”dan endirim kuponları və digər gözəl hədiyyələr əldə edəcəklər.

Lotereya haqqında daha ətraflı məlumatı telefonla bankın “138” Məlumat Mərkəzindən, www.xalqbank.az və www.ulduzum.az saytlarından əldə etmək mümkündür.

2.7 milyon nəfərdən çox abunəçisi və 230-dək tərəfdaşı olan “Ulduzum” bu gün abunəçilərə müxtəlif çeşidli güzəşt və xidmətlər təklif edən, həmçinin öz abunəçilərinin və proqramının tərəfdaşları olan şirkət müştərilərinin sadiqliyini təşviq etməklə təkcə Azərbaycanda deyil, Yaxın Şərq, Mərkəzi və Cənubi Asiya və Şimali Afrika regionunda belə ən yaxşı müştəri xidməti göstərən proqramlardan biridir.

 “Bakcell”in təqdim etdiyi “Ulduzum” loyallıq proqramında bütün "Bakcell" abunəçiləri iştirak edə bilərlər. Bunun üçün heç bir xüsusi ödəniş və yaxud abunə haqqı tələb olunmur. "Ulduzum" proqramına qoşulmaq üçün “1” yazıb 5555 qısa nömrəsinə pulsuz SMS göndərmək kifayətdir. Həmçinin, “Ulduzum” proqramından daha rahat şəkildə istifadə etmək üçün Bakcell Ulduzum mobil tətbiqetməsini (həm iOS, həm də Android platforması üçün) www.ulduzum.az saytından  yükləmək olar.