Qubanın Xınalıq kəndində qarın hündürlüyü 25 santimetrə çatıb.
YeniAvropa Quba rayon İcra hakimiyyətinə istinadla xəbər verir ki, martın 12-si gecə saatlarından başlayaraq yağan qar Azərbaycanın şimal rayonlarının dağlıq ərazilərində temperaturun mənfi 4-13 dərəcəyədək aşağı düşməsinə səbəb olub.
Quba Regional Hidrometeorologiya Müəssisəsindən verilən məlumatda qeyd edilib ki, ən aşağı temperatur rayonun Qırız kəndində qeydə alınıb-13 dərəcə.
Quba və Qusar rayonlarının dağlıq ərazilərində qarın hündürlüyü 3-25 santimetrə çatır. Qusarın rayon mərkəzində qarın hündürlüyü 5, Xızının Altıağac qəsəbəsində isə 9 santimetr təşkil edir.
Qarın yağması şimal bölgəsinin dağlıq ərazilərinə gedən yollarda müəyyən çətinliklər yaratsa da, bütün istiqamətlərdə avtomobillərin hərəkəti təmin olunub.
2240
2240
