Bu gün Novruzun ikincisi- Od çərşənbəsidir
Azərbaycan Milli Elmlər Akademiyasından YeniAvropa-ya bildirilib ki, çox qədim zamanlarda yeni anadan olmuş uşağı odun başına dolandırmaqla pak edər, ancaq bundan sonra ananın qucağına verərdilər. Bu yolla paklaşmamış uşaq murdar hesab edilər, buna görə də ana onu rahatlıqla qucağına ala bilməzmiş. Bu inancın və xüsusi mərasimin çox aydın izi bu gün də “Çevir ocağa, al qucağa” kimi atalar sözündə görünməkdədir.
Novruzaqədərki hər bir çərşənbədə olduğu kimi Od çərşənbəsi axşamı da tonqal qalanır, insanlar tonqalın üstündən tullanır.
Xatırladaq ki, Yel çərşənbəsi martın 13-də, İlaxır - Torpaq çərşənbəsi isə martın 20-də qeyd olunacaq.
Çərşənbəniz, eləcə də qarşıdan gələn Novruz bayramınız mübarək!
2639
2639
