Rusiya Federasiyası Hökumətinin sərəncamı ilə Başqırdıstan Respublikası Xarici İqtisadi Əlaqələr Dövlət Komitəsinin rəhbəri Ruslan Mirsayapov Rusiyanın Azərbaycandakı ticarət nümayəndəsi vəzifəsinə təyin edilib.
YeniAvropa yerli mətbuata istinadla xəbər verir ki, bu barədə Komitənin Mətbuat xidməti məlumat yayıb.
Ruslan Mirsayapovun iki ali təhsili var - 43 yaşlı məmur Başqırdıstan Dövlət Universitetini “İngilis dili” və Başqırdıstan Dövlət Aqrar Universitetini “İqtisadiyyat və İdarəetmə” ixtisası üzrə bitirib.
Onun Rusiya prezidentinin himayəsi altında olan idarəetmə kadrları ehtiyatına daxil olduğu bildirilir.
Rusiyanın Azərbaycandakı yeni ticarət nümayəndəsi Ruslan Mirsayapov vəzifəsinin icrasına martın 1-dən başlayacaq.
2842
2842
