Azərbaycanda ilk 6 ayda  12 min 411 cinayət faktı qeydə alınıb

Cali ilin ötən 6 ayında daxili işlər və prokurorluq orqanları üzrə 12 min 411 cinayət fatkı qeydə alınıb.

YeniAvropa xəbər verir  ki, bu haqda  daxili işlər naziri, general-polkovnik Vilayət Eyvazov iyulun 12-də Daxili İşlər Nazirliyində 2019-cu ilin 6 ayında cinayətkarlıqla mübarizə, ictimai qaydanın qorunması və ictimai təhlükəsizliyin təmin edilməsi üzrə fəaliyyətin yekunlarına və qarşıda duran vəzifələrə həsr olunmuş geniş kollegiya iclasında çıxışı zamanı bildirib. nazir qeyd edib ki, həmin cinayətlərin 88,5 %-i böyük ictimai təhlükə törətməyən və az ağır növləri təşkil edib O, daha sonra , qəsdən adam öldürməyə cəhd cinayətlərinin 12,2 %, qəsdən sağlamlığa ağır zərər vurmaların 4,1 %, mülkiyyət əleyhinə cinayətlərin 8,1 %, xuliqanlıqların 25,1 %, ictimai yerlərdə baş vermiş cinayətlərin 35 %, azaldığını, cinayətlərin acılmasının yüksək olmaqla 83,1 % təşkil etdiyi, məhkəmədən, istintaqdan və təhqiqat orqanlarından yayınan 1852 təqsirləndirilən şəxsin tutulduğunu vurğulanıb. Bildirib ki, ötən ilin altı ayı ilə müqayisədə cari ilin müvafiq dövründə ağır və xüsusilə ağır, şəxsiyyət əleyhinə olan, onlardan qəsdən adam öldürmələrin, adam öldürməyə cəhdlərin, dələduzluqların, soyğunçuluqların açılması xeyli yaxşılaşıb, keçmiş illərdən bağlı qalmış 163 cinayətin açılması təmin edilib.

Daxili işlər naziri, general-polkovnik Vilayət Eyvazov daha sonra Azərbaycan Polisinin yaranmasının 101-ci ildönümü ərəfəsində prezident İlham Əliyevin sərəncamları ilə bir qrup əməkdaşın dövlət mükafatlarına layiq görülməsini daxili işlər orqanlarına yüksək etimadın növbəti əyani ifadəsi olduğunu vurğulayıb.

Məruzəçi ötən altı ayda mütəşəkkil cinayətkarlıqla mübarizə sahəsində həyata keçirilmiş əməliyyat-axtarış tədbirləri ilə 424 kriminal qrupun zərərsizləşdirildiyini, qanunsuz olaraq odlu silah saxlayan və daşıyan 65 nəfərin cinayət məsuliyyətinə cəlb edildiyini, qeyri-leqal dövriyyədən bütövlükdə 810 kiloqram narkotik vasitənin çıxarıldığını və 74 tona yaxın narkotik xassəli bitkinin aşkarlanaraq məhv edildiyini vurğulayıb.

Bununla yanaşı, vətəndaşların qəbulu və müraciətlərinə baxılması sahəsində Azərbaycan Prezidentinin qarşıya qoyduğu proqram vəzifələrin cari ilin birinci yarısında da yerinə yetirildiyini nəzərə çatdıran V.Eyvazov nazirliyin rəhbərliyi tərəfindən 2749, o cümlədən respublikanın ayrı-ayrı şəhər və rayonlarında 680 vətəndaşın qəbulunun həyata keçirildiyini, vətəndaşlar tərəfindən qaldırılan məsələlərin əksəriyyətinin müsbət həllini tapdığını qeyd edib.

Sonra Azərbaycan Polisinin 101 illik yubileyi münasibətilə təltif olunmuş bir qrup polis əməkdaşına dövlət mükafatları təqdim edilib.