Daxili işlər orqanları narkotik maddələrin qanunsuz dövriyyəsinə qarşı tədbirləri uğurla davam etdirirlər.
Daxili İşlər Nazirliyinin mətbuat xidmətindən YeniAvropa-ya bildiriblər ki, Nəqliyyatda Baş Polis İdarəsi əməkdaşlarının əldə edilmiş məlumat əsasında Gəncə dəmir yolu vağzalının ərazisində keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş E.Məmmədovdan 2 kiloqram 440 qram marixuana götürülüb.
Sumqayıt şəhər Polis İdarəsinin əməkdaşları şəhər sakini V.Əzizovdan 415 qram marixuana aşkarlayıblar.
Ağstafa Rayon Polis Şöbəsinin əməkdaşlarının əldə edilmiş məlumat əsasında keçirdikləri əməliyyat tədbiri nəticəsində isə rayon sakini, əvvəllər məhkum olunmuş R.Muradovdan 465 qram marixuana götürülüb.
Faktlarla bağlı araşdırmalar davam etdirilir.
3374
3374
