Azərbaycan Respublikasının Qida Təhlükəsizliyi Agentliyinin (AQTA) sədri Qoşqar Təhməzli Dünya Səhiyyə Təşkilatının (DST) Azərbaycan Respublikası üzrə nümayəndəsi Hande Harmancı ilə görüşüb.
AQTA-nın informasiya təminatı və innovativ həllər şöbəsindən YeniAvropa-ya verilən məlumata görə, agentliyin sədri əhalinin sağlam və təhlükəsiz qida məhsulları ilə təmin edilməsi istiqamətində həyata keçirilən tədbirlərlə bağlı qonağı məlumatlandırıb.
H.Harmancı isə birgə əməkdaşlığın daha da genişləndirilməsi istiqamətində səyləri artıracağını vurğulayıb.
Görüşdə AQTA ilə DST arasında əməkdaşlığın perspektivləri, birgə həyata keçiriləcək tədbirlərlə bağlı fikir mübadiləsi aparılıb.
3234
3234
