“WorldFood Azerbaijan 2019” sərgisində 32 ölkədən 440 şirkət iştirak edəcək

Mayın 15-dən  17-dək  Bakı Ekspo Mərkəzində 4 ixtisaslaşmış sərgi- 25-ci Yubiley Azərbaycan Beynəlxalq Qida Sənayesi ("WorldFood Azerbaijan 2019" sərgisi, eləcə də. 13-cü Azərbaycan Beynəlxalq Kənd təsərrüfatı sərgisi("Caspian Agro"",  Xəzər Beynəlxalq qablaşdırma , Tara ,etiket və Poliqrafiya Sərgisi("Ipack Caspian") ,  və Qafqaz Beynəlxalq Mehmanxana , Restoran və Suiupermarketlər üçün Avadanlıqlar və Ləvazimatlar Sərgisi("HOREX Caucasus") keçiriləcək. Sərgilərdə ümumilikdə 32 ölkədən 440 şirkət iştirak edəcək. 

 YeniAvropa xəbər verir  ki, bu barədəsərgi təşkilatçıları bu gün keçirdikləri mətbuat konfransında məlumat veriblər. Qeyd edilib ki, ötən illə müqayisədə sərginin sahəsi 20 % artıb. Eksponentlərin 70%-i xarici, 30 %-i isə yerli şirkətlərdir. 

Bildirilib ki, sərgi uğurla həyata keçirildiyi 25 il ərzində dünyanın 40-dan artıq müxtəlif ölkələrini təmsil edən 2137 şirkəti bir araya gətirib. Bu gün "WorldFood Azerbaijan" sərgisi Azərbaycanda bu qəbildən olan yeganə tədbirdir və qida sənayesinin aparıcı yerli və beynəlxalq istehsalçıları, distribyutorları və ixracatçılarının unikal görüş yerinə çevrilib. WorldFood Azerbaijan sərgisi məhsul və avadanlıqların nümayiş olunması, habelə xidmətlərin təqdim edilməsi üçün səmərəli vasitə olmaqla yanaşı, ölkələr arasında yeni biznesə və iqtisadi ticarət əlaqələrinin inkişafına start verən platformadır.

"WorldFood Azerbaijan 2019" sərgisində Litva, Rusiya, Ukrayna, Xorvatiya və digər ölkələri təmsil edən, aşağıdakı sahələrdə özlərinin ən son məhsul və xidmətlərini təqdim edən 200-dən artıq eksponentin iştirakı planlaşdırılır: qənnadı məmulatları, süd məmulatları, ət və quş əti məmulatları, şirələr, çay və qəhvə məhsulları, tütün, eləcə də meyvə-tərəvəz üçün avadanlıqlar, metal konstruksiyalar, birkalama avadanlıqları və s. Builki sərginin debütantı  - “UAB Fleur Alpine” şirkəti sərgidə uşaq qidalarını təqdim edəcək. Belarus, İtaliya, Türkiyə, Şri-Lanka və Rusiyanın regional qrupları isə tədbirdə milli stendlərlə çıxış edirlər.

Bu il təşkilatçılar tərəfindən işgüzar proqram, eləcə də sərginin yubileyinə həsr olunmuş əlavə tədbirlərin keçirilməsi planlaşdırılır.

Sərgi çərçivəsində həmçinin yeni əlaqələrin qurulması və mövcud əlaqələrin gücləndirilməsi üçün əlavə platforma olan “B2B” formatlı ikitərəfli görüşlərin keçirilməsi də nəzərdə tutulub.

İlk dəfə olaraq, Turizmə və Milli Mətbəxin İnkişafına Dəstək İctimai Birliyinin və chefs.az portalının təşkilati dəstəyi ilə “Chefs Cup” Aşpazlar çempionatı keçiriləcək. Azərbaycanın kulinariya sahəsində ilk dəfə olaraq bu cür genişmiqyaslı və parlaq müsabiqə təşkil olunur. Bu müsabiqə yerli qastronomiya sənayesinə böyük töhfə verməklə yanaşı, onun səmərəli inkişafını da stimullaşdıracaq. Bu müsabiqədə iştirak müxtəlif kulinariya sahələrini təmsil edən komandalar və ayrı-ayrı şəxslərə öz yüksək peşəkarlıq və istedadlarını, eləcə də bütün dünyada mehmanxana-restoran biznesi üzrə tədbirlər xüsusunda məlumatlı olmaq istəyini nümayiş etdirməyə imkan yaradacaq.