“Azərbaycan Dəmir Yolları” (ADY) QSC İranın Astara şəhərində 4 terminal inşa edəcək.
YeniAvropa xəbər verir ki, bu barədə QSC-nin tariflərin nizamlanması şöbəsinin rəhbəri Elxan Əsədov Bakıda keçirilən IV beynəlxalq “Xəzər və Mərkəzi Asiya: Neft emalı, Neft-kimya, Ticarət, Logistika” Forumunda çıxışı zamanı deyib.
Onun sözlərinə görə, bu terminallar neft, taxıl, konteynerlərin emalı və ümumi təyinatlı terminallar olacaqlar.
ADY-nin fəaliyyəti barədə danışan E.Əsədov qeyd edib ki, hazırda dəmir yollarının təmiri və parkın modernləşdirilməsi üzrə işlər aparılır. Azərbaycanın bu məqsədlə satın aldığı 50 lokomotivdən 7-si artıq ölkəyə gətirilib.
3304
3304
