Xəzərin Azərbaycan sektorunda yerləşən "Abşeron" qaz-kondensat yatağında qaz hasilatının 2020-ci ilin III rübündə başlanılması planlaşdırılır.
YeniAvropa xəbər verir ki, bu barədə Almaniya-Azərbaycan Xarici Ticarət Palatasınıın xüsusi nəşri olan “Market Analysis Azerbaijan 2019”u ("Bazarın təhlili Azərbaycan-2019") jurnalında qeyd edilib.
Yatağın işlənməsinin I mərhələsində ildə 1,5 milyard m3 qaz, 700 min ton kondensat hasilatı nəzərdə tutulur.
"Abşeron" yatağından 2022-2023-cu illərdə isə illik hasilatın ən azı 4 milyard m3-dək artacağı gözlənilir.
Qeyd edək ki, "Abşeron" qaz-kondensat yatağı Xəzər dənizində, "Azəri-Çıraq-Günəşli" yataqlar blokundan cənub-qərbdə, dənizin 500 metr dərinliyində yerləşir. SOCAR-ın qiymətləndirmələrinə görə, yatağın potensial ehtiyatları 350 milyard m3 qaz və 45 milyon ton kondensat təşkil edir.
3017
3017
