Ekologiya və Təbii Sərvətlər Nazirliyinin Milli Hidrometeorologiya Departamenti istirahət günlərində - aprelin 6-7-də səyahətə çıxanlar üçün hava proqnozunu açıqlayıb.
Departamentdən YeniAvropa-ya verilən xəbərə görə, Böyük və Kiçik Qafqaz bölgəsinə səyahət edənləri yağışlı hava şəraiti gözləyir. Havanın temperaturu dağətəyi rayonlarda 10-15°, dağlıq rayonlarda 3-6° isti olacaq.
Lənkəran-Astara bölgəsində yağışlı hava şəraiti müşahidə ediləcək. Şərq küləyi əsəcək. Havanın maksimal temperaturunun 11-16° isti olacağı ehtimalı var.
Aran rayonlarının bəzi yerlərində yağış yağacağı gözlənilir. Aprelin 7-də hava əsasən yağmursuz keçəcək. Havanın maksimal temperaturunun 13-18° isti olacağı proqnozlaşdırılır.
Naxçıvan Muxtar Respublikasının bəzi yerlərində yağış yağacağı, aprelin 7-də isə gündüz saatlarında havanın əsasən yağmursuz keçəcəyi gözlənilir. Şərq küləyi əsəcək. Havanın maksimal temperaturunun 12-17° isti olacağı bildirilir.
Paytaxtda buludlu hava şəraiti üstünlük təşkil edəcək. Bəzi yerlərdə yağış yağacağı, aprelin 7-də isə havanın əsasən yağmursuz keçəcəyi gözlənilir. Arabir güclənən şimal-qərb küləyi əsəcək. Havanın maksimal temperaturu 12-14° isti olacaq.
2611
2611
