BNA məktəb ətrafında piyadaların təhlükəsizliyinin təmin etmək üçün araşdırma aparıb-VİDEO

Bakı Nəqliyyat Agentliyi (BNA )Təhsil Nazirliyi ilə birgə 189 və 190 nömrəli orta məktəblərin ətrafında nəqliyyat şəraitinin öyrənilməsi, yol infrastrukturunun yaxşılaşdırılması və ən əsası piyadaların təhlükəsizliyinin təmin edilməsi məqsədilə araşdırma aparıb.YeniAvropa xəbər verir  ki, bu haqda Bakı Nəqliyyat Agentliyinin İctimai əlaqələr və maarifləndirmə şöbəsinin müdiri Mais Ağayev məlumat verib. Onun sözlərinə görə, əldə edilən nəticələr əsasında pilot təklif layihəsi hazırlanılıb. Qeyd edilən ərazidə bir sıra nəqliyyat problemləri , -səkilərdə və yolun ikinci hərəkət zolağında qanunsuz parklanmalar; xəbərdarlıq nişanlarının zəruri sayda olmaması; məlumatverici nişanlar və məktəb ilə əlaqədar yol nişanlanmalarında çatışmazlıqlar var; fiziki imkanları məhdud olan insanlar üçün əlverişli şəraitin qənaətbəxş olmaması; qeyri-rasional yol istiqamətləri sürücüləri çaşdırır və çoxsaylı qayda pozuntusuna şərait yaradır; uşaqların şəxsi nəqliyyat vasitələrinə mindirilməsi və düşürülməsi  üçün xüsusi ərazilər ayrılmayıb; ətraf küçələrdə sürət həddinin nisbətən yüksək olması və s.-aşkar edilib ki, bu cür hallar piyadaların iştirakı ilə hər hansı yol nəqliyyat hadisəsinin baş verməsinə gətirib çıxara bilər. 

Mais Ağayev bildirib ki, layihədə öz əksini tapan tədbirlərin həyata keçirilməsi qeyd edilən ərazidə yol hərəkəti şəraitinin yaxşılaşdırılmasına, piyadaların, xüsusilə də uşaqların təhlükəsizliyinin təmin edilməsinə köməklik göstərəcəkdir.