“SOCAR Türkiyənin Aliağa bölgəsində yeni neft-kimya müəssisəsi qurmaq niyyətindədir”.
YeniAvropa xəbər verir ki, bu barədə “SOCAR Turkey”in Xarici əlaqələr üzrə rəhbəri Murad Le Kompte (Murat LeCompte) Uludağ İqtisadi Zirvəsi zamanı bildirib.
Onun sözlərinə görə, bu müəssisə 2020-2023-cü illərdə tamamlanacaq: “Bu il üçün hələlik son investisiya qərarını verməmişik. Amma il ərzində bu qərarın da veriləcəyi yeni bir neft-kimya sərmayəmiz olacaq. Bu da yenə Aliağa bölgəsində baş tutacaq. Əgər bu il investisiya ilə bağlı son qərarı versək, gələn il üçün təməlinin qoyulacağını düşünürəm. 2020-2023-cü illərdə isə bu işlər tamamlanacaq”.
SOCAR rəsmisi “Petlim” limanının adının “SOCAR Terminal” olaraq dəyişdirildiyini də açıqlayıb: “Bu, tamamilə türk podratçı və mühəndislər tərəfindən inşa edilmiş bir layihədir. Türkiyənin ən böyük üçüncü limanıdır. Həmin limanın köhnə adı “Petlim” idi. İndi isə həmin liman “SOCAR Terminal” olaraq adlandırılacaq. Həqiqətən də qürur duyduğumuz layihədir”.
3171
3171
