“Rusiya poçtu” şirkəti dünyanın istənilən ölkəsindən Rusiya ərazisinə daxil olan beynəlxalq bağlamalara 30 faiz vergi qoyub.
YeniAvropa xəbər verir ki, bu barədə "Azərpoçt" MMC-dən bildirilib. Qeyd edilib ki, bu verginin ödənişi poçt göndərişi gömrüyə daxil olanda həyata keçiriləcək.
Federal Gömrük Xidməti 500 avrodan çox dəyəri olan göndərişlərin 1/3-i məbləğində dövlət rüsumu ödənilmədiyi təqdirdə onların gömrükdən buraxılmasına icazə verməyəcək.
Əgər Rusiya sakini müəyyən vaxt müddətində dövlət rüsumunu hər hansı səbəblərə görə ödəməzsə, gömrük bağlamanı onu göndərən ölkəyə geri qaytaracaq.
Bundan başqa, maksimum çəkiyə görə məhdudiyyət artıq dəyişdirilib, başqa sözlə, bağlamalar üçün 31 kq limit qoyulub. Bu limit keçildiyi təqdirdə, hər əlavə 1 kq üçün 4 avro ödənilməlidir. Beləliklə, başqa ölkələrdən hər hansı artıq çəkili əşyanın alınıb Rusiyaya çatdırılması əsla sərfəli deyil.
2989
2989
