Bakı Nəqliyyat Agentliyindən daşıyıcı şirkətə xəbərdarlıq-VİDEO

19:12 18-01-2018 | 2177

Bakı Nəqliyyat Agentliyi(BNA) 11 nömrəli marşrut xətti üzrə hərəkət edən sərnişin avtobusunun daşıyıcısına xəbərdarlıq edib. Bu haqda YeniAvropa-ya BNA-dan bildirilib. Məlumatda qeyd edilib ki, 18.01.2018 tarixində Bakı Nəqliyyat Agentliyinə 11 nömrəli marşrut xətti üzrə hərəkət edən 10 TG 111 DQN-lı sərnişin avtobusu ilə bağlı video görüntü təqdim edilib. Müəyyən edilib ki, sürücü sərnişin avtobusunu yol hərəkəti qaydalarını kobud şəkildə pozaraq yolun əks istiqaməti üzrə idarə edib.

Həmin görüntü əsasında dərhal araşdırma aparılıb və 11 nömrəli müntəzəm marşrut xətti üzrə faəliyyət göstərən daşıyıcı Bakı Nəqliyyat Agentliyinə çağrılıb. Bakı Nəqliyyat Agentliyinin göstərişi əsasında sərnişindaşıma, təhlükəsizlik və yol hərəkəti qaydalarını kobud şəkildə pozan sürücü İsmayılov Əleysər Ələsgər oğlu daşıyıcı tərəfindən işdən azad edilib. Bununla yanaşı daşıyıcıya analoji halın digər sürücülər tərəfindən təkrarlanmamsı üçün zəruri tədbirlərin görülməsi tapşırılıb.