Gömrük nəzarətindən gizlədilən mobil telefonlar aşkarlanıb.
Dövlət Gömrük Komitəsinin mətbuat və ictimaiyyətlə əlaqələr idarəsindən YeniAvropa-ya bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında “Qırmızı Körpü” gömrük postunda Gürcüstandan gələn Azərbaycan vətəndaşının “Mercedes Benz C220 CDI” markalı avtomobili saxlanılıb və gömrük baxışı keçirilib. Baxışdan öncə, vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Daha sonra vətəndaşın üzərinə və avtomobilinə baxış keçirilib. Baxış zamanı vətəndaşın üzərindən 4 ədəd “Kgtel E1200”, 3 ədəd “Rivco 8110”, 1 ədəd “Mbape M310” və 1 ədəd “Odscn B350E” markalı mobil telefonlar, nəqliyyat vasitəsinin ön saxlanc qutusundan isə 77 ədəd telefon qidalandırıcısı aşkarlanıb.
Faktla bağlı araşdırma aparılır.
2520
2520
