Quba rayonunda itkin düşmüş alpinistlərin axtarışları yanvarın 17-də davam etdirilib. Axtarış işləri Fövqəladə Hallar Nazirliyinin (FHN) peşəkar xilasedicilərdən ibarət dəstələrinin, Ekologiya və Təbii Sərvətlər Nazirliyinin əməkdaşlarının və peşəkar alpinistlərdən ibarət könüllü dəstələrin iştirakı, həmçinin müvafiq texnika və xilasetmə avadanlıqlarının tətbiqi ilə aparılır. YeniAvropa FHN-nə istinadla xəbər verir ki, gün ərzində alpinistlərin itkin düşdüyü ehtimal olunan ərazilər üzrə axtarış işləri aparılıb, həmçinin onların olduğu güman edilən digər ərazilərdə yoxlamalar davam etdirilib.
Axtarış-xilasetmə işləri mürəkkəb relyefli yüksək dağ massivində (dəniz səviyyəsindən 3000-3200 metr yüksəklikdə) aparılır. Əlavə məlumat veriləcək.
2065
2065
